Guddiga Sare

Skip to content

+252 (1) 866 131
info@centralbank.gov.so

Nagu saabsan
Shaqooyinka BDS
Hab-raacyada
Hannaanka Lacag-Bixinta
- Hannaanka Lacag-Bixinta Qaranka
- Somali Payment System (SPS)
Warbixino
Warar
Fursad
- Qandaraas
- Shaqooyin

Nagu saabsan
Shaqooyinka BDS
Hab-raacyada
Hannaanka Lacag-Bixinta
- Hannaanka Lacag-Bixinta Qaranka
- Somali Payment System (SPS)
Warbixino
Warar
Fursad
- Qandaraas
- Shaqooyin

Cabdiraxmaan Maxamed Cabdullaahi

Gudoomiyaha Bankiga ahna Guddoomiyaha Gudiga Sare

Cabdiraxmaan Maxamed Cabdullaahi

Gudoomiyaha Bankiga ahna Guddoomiyaha Gudiga Sare

Cabdiraxmaan Maxamed Cabdullaahi waa Guddoomiyaha Bankiga Dhexe ee Soomaaliya, isagoo leh in ka badan 20 sano oo waayo-aragnimo shaqo ah oo la xiriirta maareynta maaliyadda. Wuxuu xirfadiisa shaqo ka bilaabay Wasaaradda Maaliyadda Soomaaliya sanadkii 1986, hase yeeshee inta badan noloshiisa xirfadeed wuxuu ka soo shaqeeyey ganacsiyada gaarka loo leeyahay ee ku yaalla Norway iyo Ingiriiska. Xiisaha uu u qabo horumarinta iyo gargaarka bulshada ayaa ku dhiirrigeliyey inuu ka hawlgalo hay’ado samafal oo dhowr ah, isaga oo ka shaqeeyey Yemen iyo qaar ka mid ah dalalka Geeska Afrika. Waxaa loo magacaabay Guddoomiyaha Bankiga Dhexe ee Soomaaliya bishii Abril 2019. Ka hor xilkiisa hadda, wuxuu ka soo shaqeeyey Xafiiska Ra’iisul Wasaaraha Soomaaliya isagoo ahaa La-taliye Sare oo qaabbilsan Siyaasadda Dhaqaalaha, halkaas oo uu door muuqda ka qaatay dib-u-habaynta siyaasadaha maaliyadeed ee dowladda. Waxbarasho: • M.Sc. Maaliyadda iyo Bankiyada Caalamiga ah, Jaamacadda Liverpool John Moores (JMU), UK • B.Sc. Maamulka Ganacsiga, Jaamacadda Teknolojiyadda iyo Sayniska (NTNU), Norwa

Email:info@centralbank.so

Dr. Cali Yaasiin Sheekh Cali

Guddoomiye Ku Xigeenka Bankiga ahna Guddoomiye ku Xigeenka Guddiga Sare

Dr. Cali Yaasiin Sheekh Cali

Guddoomiye Ku Xigeenka Bankiga ahna Guddoomiye ku Xigeenka Guddiga Sare

Dr. Cali Yaasiin Sheekh Cali waa khabiir sare oo ku takhasusay dhaqaalaha, maamulka maaliyadda, iyo horumarinta bulshada, lehna in ka badan 15 sano oo waayo-aragnimo qoto-dheer oo ka dhaxaysa ganacsiga gaarka loo leeyahay, hay’adaha dowliga ah, iyo cilmi-baarista. Khibradiisa waxaa ka mid ah qorsheynta horumarka qaranka, hab-raacyada dowladuhu wadaagaan, falanqaynta siyaasadda dhaqaalaha, iyo maamulka miisaaniyadda dadweynaha ee loo dhan yahay (participatory public expenditure management). Dr. Cali waxa uu si gaar ah diiradda ugu saaray federaaleynta nidaamyada maaliyadeed iyo horumarinta awoodda shaqaale ee bulshada. Dr. Cali waa aqoonyahan haysta shahaadada PhD ee Maareynta Ganacsiga iyo shahaado heer labaad (Masters) oo uu ka diyaariyey Siyaasadda Dhaqaalaha iyo Qorsheynta. Ka hor xilkiisa hadda ee ah Guddoomiye Ku-xigeenka Bankiga Dhexe ee Soomaaliya iyo Guddoomiye Ku-xigeenka Guddiga Sare ee Bankiga, Dr. Cali wuxuu soo qabtay xilal muhiim ah, oo ay ka mid yihiin Agaasimaha Waaxda Dhaqaalaha Guud iyo Cilmi-baarista ee Bankiga Dhexe ee Soomaaliya. Dr. Cali Yaasiin Sheekh Cali waxa uu u heellan yahay horumarinta awooda maaliyadeed ee bulshada, dhiirrigelinta maamul wanaagga, iyo xoojinta iskaashiga dhaqaale ee gudaha iyo caalamiga ah.

Email:info@centralbank.so

Prof. Cabdullaahi Sheekh Cali

Xubin

Prof. Cabdullaahi Sheekh Cali

Xubin

Prof. Cabdullaahi Sheekh Cali waa aqoonyahan iyo khabiir sare oo ku takhasusay dhaqaalaha, lehna in ka badan afartan sano oo waayo-aragnimo ah oo uu ka soo shaqeeyay heer qaran iyo heer caalami. Intii uu ku jiray adeegga dowladda, waxa uu soo qabtay xilal muhiim ah, oo ay ka mid yihiin Wasiir Ku-xigeenka Wasaaradda Maaliyadda (2018–2022), halkaas oo uu door hoggaamineed ka qaatay diyaarinta miisaaniyadda qaranka iyo xoojinta dakhliga dowladda. Waxa kale oo uu si dhow uga qayb qaatay hirgelinta Barnaamijka Deyn Cafinta, oo ahaa guul taariikhi ah oo Soomaaliya gaartay. Sidoo kale, waxa uu soo noqday Wasiir Ku-xigeenka Wasaaradda Qorsheynta (2015–2017), isaga oo door muhiim ah ka qaatay dejinta Sharciga Maalgashiga Soomaaliya, dib-u-dhiska hay’adaha muhiimka ah sida Hay’adda Tirakoobka Qaranka, iyo hirgelinta Qorshaha Horumarinta Qaranka (NDP). Prof. Cabdullaahi waxa uu leeyahay khibrad qoto dheer oo ku saabsan gorgortanka heshiisyada caalamiga ah, gaar ahaan kuwa u dhexeeya Dowladda Federaalka Soomaaliya iyo hay’adaha iyo daneeyayaasha caalamiga ah. Heer caalami, waxa uu ka soo shaqeeyay hay’ado ka tirsan Qaramada Midoobay, sida UNCO, UNDP, iyo UNICEF, muddo ka badan 12 sano, taas oo sii xoojisay aragtidiisa ku aaddan horumarinta iyo iskaashiga caalamiga ah. Burburkii Dowladdii hore waxa uu noqday Agaasimaha Guud ee Wasaaradda Beeraha (1976), Guddoomiye Ku-xigeenka Gobolka Banaadir (1977), iyo Maareeyaha Guud ee Mashruucii Waraabka “Faanole Irrigation Scheme”, oo ahaa mashruucii ugu ballaarnaa ee Soomaaliya, kaas oo loogu talagalay wax-soo-saarka bariiska intii u dhaxaysay 1989–1991. Dhanka waxbarashada, waxa uu ka qalin-jabiyay Jaamacadda Ummadda Soomaaliyeed sannadkii 1974, kadibna waxa uu shahaado sare ka qaatay Jaamacadda Massachusetts Institute of Technology (MIT), Boston, USA, sannadkii 1982. Waxa kale oo uu soo qaatay tababaro heer sare ah oo uu ka helay Bangiga Adduunka iyo machadyo caalami ah. Hadda, Prof. Cabdullaahi Sheekh Cali waa bare sare oo ka tirsan Jaamacadda Ummadda Soomaaliyeed, halkaas oo uu ku tababaro jiilalka cusub ee aqoonyahannada dhaqaalaha.

Email:info@centralbank.so

Faysal Cabdullaahi Warsame

Xubin

Faysal-Abdullahi-Warsame--scaled-e1700383593217

Faysal Cabdullaahi Warsame

Xubin

Faysal Cabdullaahi Warsame waa khabiir khibrad sare u leh maamulka maaliyadda, lehna in ka badan 15 sano oo waayo-aragnimo ah oo ku saabsan bankiyada, maamulka maaliyadda dadweynaha, iyo adeegyada la-talinta. Waxa uu la soo shaqeeyay ganacsiyo gaar loo leeyahay iyo hay’ado dowladeed oo ku yaalla Maraykanka, oo ay ka mid yihiin Accenture, United Health Group, & Supervalu. Faysal waxa uu in ka badan sagaal sano ka soo shaqeeyay barnaamijyo la-talin oo maalgelin ka helay Bankiga Adduunka, kuwaas oo diiradda saaray dib-u-habaynta maamulka maaliyadda dadweynaha, isaga oo la kaashanayay Wasaaradda Maaliyadda ee Dowladda Federaalka Soomaaliya iyo Wasaaradda Maaliyadda ee Dowlad-goboleedka Puntland. Ka hor intii aan loo magacaabin xubinnimada Guddiga Sare ee Bankiga Dhexe ee Soomaaliya, Faysal waxa uu soo qabtay xilka Agaasimaha Guud ee Wasaaradda Maaliyadda Puntland, halkaas oo uu khibrad ballaaran ugu biiriyay maamulka khasnadda iyo maaliyadda. Dhanka waxbarashada, Faysal waxa uu haystaa shahaadada heerka koowaad ee Maareynta Nidaamyada Macluumaadka (Management Information Systems) oo uu ka qaatay Jaamacadda Minnesota State University, Mankato, iyo Master-ka Maamulka Ganacsiga (MBA) oo uu ku takhasusay Maaliyadda Islaamiga ah, kaas oo uu ka qaatay Hamline University, USA. Waqtigan xaadirka ah, Faysal waa xubin firfircoon oo ka tirsan ururrada xirfadeed ee PMI, Six Sigma Certification Group, Wharton Management-Leadership Certification Group, isla markaana waa Guddoomiyaha Guddiga Sare ee Nomads International.

Email:info@centralbank.so

Dr. Aues <Scek Abo

Xubin

Dr. Aues <Scek Abo

Xubin

Dr. Aweys Abo Scek Dr. Aweys waxa uu shahaadada sare ee Ph.D. ka haystaa Horumarinta Dhaqaalaha iyo Daraasaadka Dadweynaha. Waxa uu hadda yahay Ku-xigeenka Agaasimaha Fulinta Golaha Dhaqaalaha Qaranka Soomaaliyeed (Somalia National Economic Council), oo ah hay’ad siisa dowladda federaalka iyo dowlad-goboleedyada talooyin ku saleysan cilmi-baaris iyo caddeymo sugan. Waxa uu in ka badan 15 sano ka soo shaqeeyey barnaamijka GIC isaga oo ka soo noqday La-Taliye Sare oo Dhaqaale iyo Maareeye, muddadaas oo uu kasoo shaqeeyey dalalka Swaziland, Kenya, Malawi iyo Xarunta Dhexe ee GIC ee Germany. Waxa uu sida oo kale khibrad ballaaran u leeyahay ka shaqeynta hay’adaha caalamiga ah, isaga oo ahaan jiray Maareeye Mashruuc, waxa uu UNDP Soomaaliya uga shaqeyn jiray kobcinta awoodda hay’adaha dawliga ah, gaar ahaan Maareynta Maaliyadda Guud (Public Finance Management), nidaamka bankiyada, dib-u-habaynta siyaasadaha lacageed iyo maaliyadeed, iyo sida oo kale qaabeynta iyo hirgelinta barnaamijyada daba-galka iyo qiimeynta (Monitoring and Evaluation). Sida oo kale, Dr. Aweys waxa uu ka soo shaqeeyay Bankiga Adduunka (World Bank) isaga oo La-taliye Sare ka ahaa dhanka dhaqaalaha guud (Macroeconomics), Bankiyada Dhexe, miisaaniyadaha, iyo qaabeynta dib-u-habaynta nidaamka Maareynta Maaliyadda Guud. Waxa uu leeyahay in ka badan 25 sano oo khibrad ah oo la xiriirta dib-u-habaynta hay’adaha dowladda, gaar ahaan maamulka maaliyadda guud (PFM), dejinta siyaasadaha horumarineed, diyaarinta istiraatiijiyadaha, siyaasadaha iyo dib-u-habaynta lacagta, iyo sida oo kale samaynta cilmi-baarisyada iyo hoggaaminta wadahadallada siyaasadeed. Dr. Scek waxa uu ka shaqeeyay Soomaaliya, Swaziland, Kenya, Malawi, Uganda, Ghana, Sierra Leone, Ivory Coast, Talyaaniga, Jarmalka, iyo Mareykanka.

Email:info@centralbank.so

Prof. Xuseen Axmed Warsame

Xubin

Prof. Xuseen Axmed Warsame

Xubin

Prof. Xuseen Warsame waa bare iyo Guddoomiyaha Qaybta Xisaabaadka ee Haskayne School of Business, ee Jaamacadda Calgary. Sida oo kale waa Khabiir xisaabeed oo qayb ka ah khuburrada xisaabeed (Chartered Professional Accountants (CPA) ahna xubin sare oo ka tirsan Kulliyadda Canshuuraha (Faculty Fellow of Taxation) ee isla jaamacaddaas. Prof. Warsame waxa uu shahaadada koowaad (BSc) ee Kimistariga ka qaatay Jaamacadda Ummadda Soomaaliyeed, waxa uuna California State University-Fresno, ka haystaa shahaadada heerka labaad ee maareynta ganacsiga oo uu diiradda ku saaray xisaabaadka, halka shahaadada Ph.D. ee Maamulka oo uu ku takhasusay xisaabaadka iyo canshuuraha uu ka qaatay Jaamacadda Calgary. Prof. Warsame waxa uu ku biiray Haskayne School of Business ee Jaamacadda Calgary sanadkii 2000. Kahor, waxa uu shan sano bare ka ahaa John Molson School of Business ee Concordia University oo ku yaalla Montreal. Sida oo kale, waxa uu wax ka dhigay Jaamacadda Imaaraadka Carabta (United Arab Emirates University), UNIQWA (Koonfur Afrika), Centrum (Peru), iyo Jaamacadda Ummadda Soomaaliyeed. Dhinaca waxbarista, Prof. Warsame waxa uu xiiseeyaa canshuuraha, xisaabaadka maaliyadeed, iyo hantidhawrka. Waxa uu bare ka yahay barnaamijyada shahaadada koowaad (undergraduate), MBA, Executive MBA, iyo Aviation MBA; isaga oo sida oo kale jiheeya ardayda diyaarinaya shahaadada sare ee Ph.D. kuwaas oo ku takhasusaya xisaabaadka iyo canshuuraha. Prof. Warsame waxa uu ku guuleystay abaalmarinno dhowr ah, oo ay ka mid yihiin: 1. Great Supervisor Award (2017) 2. Dean’s Award for Ph.D. Support (2012) 3. University of Calgary Student Union Teaching Excellence Award (Honorable Mention 2008) 4. Chartered Accountants’ Education Foundation Teaching Excellence Prize (2002 & 2007) 5. Haskayne School of Business Commerce Undergraduate Society Teaching Excellence Award (2003)

Email:info@centralbank.so

Ms. Hanifa Mohamed Ibrahim

Xubin

Ms. Hanifa Mohamed Ibrahim

Xubin

Marwo Xaniifa Maxamed Ibraahim, oo loo yaqaan “Xaniifa Xaabsade”, waa aqoon-yahanad Soomaaliyeed oo u heellan xoojinta xuquuqda haweenka iyo cadaaladda bulshada. Waxaa loo magacaabay xubin ka tirsan Guddiga Sare ee Bankiga Dhexe ee Soomaaliya taariikhdu markay ahayd 6-da Janaayo 2025, iyadoo bangiga kusoo kordhisay khibrad baaxad leh oo dhinacyada adeegga dadweynaha, la-talinta siyaasadda, iyo hoggaaminta ah. Marwo Xaniifa waxay hore u soo noqotay Wasiirka Haweenka iyo Horumarinta Xuquuqul Insaanka (2021–2022), halkaas oo ay hormuud ka ahayd dib-u-habayn lagu sameeyay wasaaradda. Waxay door muhiim ah ka qaadatay diyaarinta:
• Sharciga Xuquuqda Naafada
• Sharciga Xuquuqda Carruurta
• Sharciga Ka-hortagga Gudniinka Fircooniga (FGM)
Hoggaaminteedu waxay si weyn u mideysay haweenka siyaasiyiinta ah, wasiirrada dowlad-goboleedyada, iyo ururrada bulshada rayidka ah si loo hormariyo xuquuqda haweenka. Intii u dhaxeysay 2016–2021, waxay ahayd Xildhibaan ka tirsan Baarlamaanka Federaalka Soomaaliya, iyadoo door firfircoon ka qaadatay meelmarinta sharciyo muhiim ah sida:
• Sharciga Dembiyada Galmada
• Sharciga Doorashooyinka
Ka hor intaanay ku biirin Bankiga Dhexe, waxay sidoo kale soo noqotay La-taliye Sare ee Guddoomiyaha Baarlamaanka Federaalka Soomaaliya, halkaas oo ay bixisay talooyin istiraatiiji ah oo ku saabsan siyaasadaha xuquuqda haweenka iyo xuquuqul insaanka, si loo xoojiyo nidaamka sharciyada iyo sinnaanta. Marwo Xaniifa waxay Shahaadada koowaad (Bachelor) ee Maamulka Ganacsiga (Honors) ay ka qaadatay Jaamacadda Multimedia ee Malaysia, sidoo kale waxay Shahaadada labaad (Master) ee Hoggaaminta Adkeysiga Musiibooyinka iyo Samafalka ay ka qaadatay Jaamacadda Nabadda ee Qaramada Midoobay

Email:info@centralbank.so

The Central Bank of Somalia traces its roots to 1950 with the creation of the Cassa per la Circolazione Monetaria della Somalia and later the Somali National Bank in 1960. In 1975 it was renamed the Central Bank of Somalia, serving as the country’s monetary authority

Contact Us

Phone: +252 (1) 866131
info@centralbank.gove.so
P.O Box 11, 55 Corso Somalia Mogadishu, Somalia

Social Media

Search

Facebook-f Linkedin Twitter